اثنين ،سمعهم بح ، واقفين على محطة الاتوبيس و دار بينهم الحوار التالي :

الاول : الاتوبيس ده بيروح مصر الجديدة ؟

التاني : على الحديدة ..!!! ؟ ليه ؟ انت طالب احسان ؟

الاول : بذرة الكتان ..!!!؟ لا … دي تلاقيها عند العطار .

التاني : جزار ….!!!!؟ آه قولي كده … عايز تشتري لحمة …

الاول : معك حق … الدنيا زحمة . عشان ده معاذ خروج الموظفين .

الثاني : نور الدين ..!!! ؟ لا و الله ….ما عرفوش

الاول : ما بتشربوش ..!!!؟ ليه …؟ كفى الله الشر.

الثاني : راس البر ..!! ده مصيف هادي

الاول : عايز تركب للمعادي ؟؟ دي منطقة جميلة

الثاني : بليلة ..!! انت شكلك كده جعان

الاول : عيان .؟؟!! اي والله . انت باين عليك عيان .. طب ما تروح للدكتور

الثاني : الحنطور ..؟!!! ده احسن من الاتوبيس بيوصلني لحد الباب

الاول : هباب ..؟!!! و انا لي كنت فاكرك محترم !

الثاني : اترخم ..؟!! هو مين ؟؟

الاول : عاوز أسبرين ؟!! ليه انت عندك صداع ؟

الثاني : قراع ..!! يانهار اسود ، ده مرض خطير !

الاول : فطير ..؟!! لا و الله مش عايز و بعدين مش بحب الفطير ، ثقيل ع المعدة و ثمنه غالي !

التاني : خالي ..؟!! انت تعرف خالي ؟ ده راجل كبير في السن

الأول : الجن ..؟!! نهارك مش فايت .. انت عليك عفريت ؟!

الثاني : لا .. و الله ممعايش . انت عايز الكبريت ليه ؟ عاوز تولع ؟

الاول : أدلع ..؟!! أدلع عليك انت ..؟ انت ما تملاش عنيا

الثاني : يقبضوا عليا ليه ..؟!!

الاول : انت غريب يا راجل ، انت شكلك شحات ( يدفعه من القميص ) روح اشتغل شغلة تاكل منها عيش .

الثاني : خيش ..؟!! و الله ده صوف إنجليزي

الاول : بنتك زيزي ..!! ربنا يخلي

الثاني انتاج محلي ..؟!! ده مستورد

( يمر شاويش ..يلفت انتباه الحوار ، بتعمل ايه يا جدع منك له ..؟؟!!

الاثنين معا : ايوة يا شويش احنا مستنيين الا توبيس

الشاويش : جواسيس ..؟!! نهاركم مش فايت قدامي ع الاسم بسرعة ..!!!!

تعليق واحد لـ “حوار بين اثنين سمعهم ثقيل جدا”

  1. نكته بأيخه وخايسه مو حلوه

إكتب تعليقك

إسمك الكريم * رابط موقعك المُفضل